ఆదిత్య హృదయం

స్తోత్రం

తతో యుద్దపరిశ్రాంతం సమరే చింతయా స్థితమ్‌,
రావణం చాగ్రతో దృష్వా యుద్దాయ సముపస్థితమ్‌.

దైవతై శ్చ సమాగమ్య ద్రష్టు మభ్యాగతో రణమ్‌,
ఉపాగమ్యాబ్రవీద్రామం అగస్త్యో భగవాన్ ఋషి:.
***
రామ! రామ! మహా్బాహొ ! శృణు గుహ్యం సనాతనమ్‌,
యేన సర్వా నరీన్‌ వత్స! సమరే విజయిష్యసి.

ఆదిత్యహృదయం పుణ్యం సర్వశత్రు వినాశనమ్‌,
జయావహం జపే న్నిత్యం అక్షయ్యం పరమం శివమ్‌.

సర్వమంగళ మాంగల్యం సర్వపాపప్రణాశనమ్‌,
చింతాశోక ప్రశమనం ఆయుర్వర్ధన ముత్తమమ్‌.
***
రశ్మిమంతం సముద్యంతం దేవాసుర నమస్కృతమ్‌,
పూజయస్వ వివస్వంతం భాస్కరం భువనేశ్వరమ్‌.

సర్వ దేవాత్మకో హ్యేష తేజస్వీ రశ్మిభావన:,
ఏష దేవాసురగణాన్‌ లోకాన్‌ పాతి గభస్తిభి:.

ఏష బ్రహ్మా చ విష్ణుశ్చ శివ: స్కంద: ప్రజాపతి:,
మహేంద్రో ధనద: కాలో యమ: సోమో హ్యపాంపతి:.

పితరో వసవ: సాధ్యా హ్యశ్వినౌ మరుతో మను:,
వాయు ర్వహ్ని:ప్రజా:ప్రాణా: ఋతుకర్తా ప్రభాకర:.

ఆదిత్యా: సవితా సూర్య: ఖగ: పూషా గభస్తిమాన్‌,
సువర్ణసదృశో భాను: స్వర్ణ్యరేతా దివాకర:.

హరిదశ్వ: సహస్రార్చి: సప్త్సప్తి: మరీచిమాన్‌,
తిమిరోన్మధన: శంభు స్త్వష్టా మార్తాండకోంశు మాన్‌.

హిరణ్యగర్భ: శిశిర స్తపనో భాస్కరో రవి:,
అగ్నిగర్భో దితే: పుత్ర: శంఖ: శిశిరనాశన:.

వ్యోమనాథ స్తమోభేదీ ఋగ్యజుస్సామ పారగ:,
ఘనవృష్టి రపాంమిత్రో వింధ్యవీథీ ప్లవంగమ:.

ఆతపీ మండలీ మృత్యు: పింగళ: సర్వతాపన:,
క(ర)వి ర్విశ్వో మహాతేజా రక్త: సర్వభవోద్భవ:.

నక్షత్ర గ్రహ తారాణా మధిపో విశ్వభావన:,
తేజసామపి తేజస్వీ ద్వాదశాత్మన్‌! నమో స్తుతే.
* * *

నమ: పూర్వాయ గిరయే పశ్చిమాద్రయే నమ:,
జ్యోతిర్గణానాం పతయే దినాధిపతయే నమ:.

జయాయ జయభద్రాయ హర్యశ్వాయ నమో నమ:,
నమో నమ స్సహస్రాంశో ఆదిత్యాయ నమో నమ:.

నమ ఉగ్రాయ వీరాయ సారంగాయ నమో నమ:,
నమ: పద్మప్రబోధాయ మార్తాండాయ నమో నమ:.

బ్రహ్మేశా నాచ్యుతేశాయ సూర్యా యాదిత్యవర్చసే,
భాస్వతే సర్వభక్షాయ రౌద్రాయ వపుషే నమ:.

తమోఘ్నాయ హిమఘ్నాయ శత్రుఘ్నాయామితాత్మనే,
కృతఘ్నఘ్నాయ దేవాయ జ్యోతిషాం పతయే నమ:.

తప్త చామీకరాభాయ వహ్నయే విశ్వకర్మణే,
నమస్తమో భినిఘ్నాయ రవయే లోకసాక్షిణే.
* * *

నాశయత్యేష వై భూతం తదేవ సృజతి ప్రభు:,
పాయత్యేష తపత్యేష వర్షత్యేష గభస్తిభి:.

ఏష సుప్తేషు జాగర్తి భూతేషు పరినిష్టిత:,
ఏష ఏవాగ్నిహోత్రం చ ఫలం చై వాగ్నిహోత్రిణామ్‌.

వేదాశ్చ క్రతవశ్చైవ క్రతూనాం ఫలమేవ చ,
యాని కృత్యాని లోకేషు సర్వ ఏష రవి: ప్రభు:.

ఏన మాపత్సు కృచ్చే షు కాంతారేషు భయేషు చ,
కీర్తయన్‌ పురుష: కశ్చి న్నావసీదతి రాఘవ!

పూజయ స్వైన మేకాగ్రో దేవదేవం జగత్పతిమ్‌,
ఏతత్ త్రిగుణితం జప్త్వా యుద్ధేషు విజయిష్యసి.

అస్మిన్‌ క్షణే మహాబాహో! రావణం త్వం వధిష్యసి,
ఏవ ముక్త్వా తతో గస్త్యో జగామ చ యథాగతమ్‌.

ఏతచ్చు త్వా మహాతేజా నష్టశోకో భవత్తదా,
ధారయామాస సుప్రీతో రాఘవ: ప్రయతాత్మవాన్‌.

ఆదిత్యం ప్రేక్ష్యం జప్త్వేదం పరం హర్ష మవాప్తవాన్‌,
త్రిరాచమ్య శుచి ర్భూత్మా ధను రాదాయ వీర్యవాన్‌.

రావణం ప్రేక్ష్య హృష్టాత్మా జయార్థం సముపాగమత్ ,
సర్వయత్నేన మహతా వధే తస్య ధృతో భవత్.

అథ రవి రవద న్నిరీక్ష్య రామం
ముదితమనా: పరమం ప్రహృష్యమాణ:
నిశి చరపతి సంక్షయం విదిత్వా
సురగణ మధ్యగతో వచ స్త్వ రేతి.

ఓం తత్ సత్
* * *

Get this widget | Track details | eSnips Social DNA